-
कालोपाटी सम्बाददाता
काठमाडौँ । सगरमाथा भ्रमणमा आएका एक कोरियन नागरिकको मृत्यु भएको छ । सगरमाथा क्षेत्र भ्रमणमा आएका कोरियाका अन्दाजी ४७ वर्षीय ह्युनचल स्वाङको लडेर मृत्यु भएको हो ।
जिल्ला प्रहरी कार्यालयका अनुसार उनको आइल्याण्डपिक हिमाल आरोहण गरेर फर्कंदै गर्दा खुम्बु पासाङ ल्हामु गाउँपालिका-४ मा गत फागुन २८ गते लडेर मृत्यु भएको हो । बाटोबाट चिप्लिएर लडेका ह्युनचल करिब दुई मिटर तल खसेको प्रहरीले जनाएको छ ।
हेलिकप्टरमार्फत उद्धार गरेर लुक्ला ल्याइएको मृतकको शव प्रक्रिया पूरा गरी शवपरीक्षणका लागि काठमाडौँको शिक्षण अस्पताल पठाइएको प्रहरी नायब उपरीक्षक श्रेष्ठले जानकारी दिएका छन् । मृतक ह्युनचल फागुन २१ गते एटेक्स कम्पनीमार्फत हिमाल आरोहणका लागि खुम्बु आएको थिए ।
