-
कालोपाटी सम्बाददाता
काठमाडौँ । मंगलबार तरकारी तथा फलफूल विकास समितिले फलफूल तथा तरकारीको मूल्य सार्वजनिक गरेको छ । समितिले सार्वजनिक गरेको मूल्यसुची अनुसार आज आँपको मूल्य घट्दा डल्ले च्याउको मूल्य बढेको हो ।
आज नेपाली ठुलो गोलभेडा १०० रुपैयाँ, लोकल सानो गोलभेडा ४० रुपैयाँ, सानो गोलभेडा (टनेल) ५० रुपैयाँ, रातो आलु ६४ रुपैयाँ, भारतीय रातो आलु ५६ रुपैयाँ, रातो आलु (मुडे) ५० रुपैयाँ, भारतीय सुकेको प्याज ९० रुपैयाँ, लोकल गाजर ९० रुपैयाँ, बन्दा लोकल २५ रुपैयाँ, स्थानीय काउली ६० रुपैयाँ, स्थानीय काउली (ज्यापु) ८० रुपैयाँ, मूला सेतो (लोकल) ४० रुपैयाँ, भन्टा लाम्चो ६० रुपैयाँ, भन्टा डल्लो ७०, तने बोडी ९०, मकै बोडी ९०, लोकल घ्यु सिमी लोकल १००, हाइब्रिड घ्यु सिमी ११०, भटमासकोसा ८० रुपैयाँ प्रतिकेजीमा कारोबार भईरहेको समितिले जनाएको छ ।
त्यस्तै, तितो करेला ४०, लौका ५०, लोकल परवर ३० रुपैयाँ, चिचिण्डो ४० रुपैयाँ, घिरौला ७०, झिगुनी ५०, फर्सी पाकेको ३५, हरियो हरियो फर्सी (डल्लो) ६०, भिण्डी ८०, पिंडालू ९०, स्कुस ५० रुपैयाँ, रायो साग ७० रुपैयाँ, तोरीको साग ५० रुपैयाँ, हरियो प्याज ६०, कन्य च्याउ १५०, डल्ले च्याउ ३००, राजा च्याउ २८०, कुरिलो २००, न्युरो ७०, ब्रोकाउली ९०, चुकन्दर ६०, रातो बन्दा ५०, जिरीको साग १५०, सेलेरी १६०, पार्सले ३०० रुपैयाँ न्युनतम मूल्यमा कारोबार भइरहेको छ ।
मंगलबार पुदिना १५५, गान्टे मुला ७०, इमली १५०, तामा ९०, तोफु १००, गुन्द्रुक २५०, अदुवा २४०, सुकेको खुर्सानी ४६०, हरियो खुर्सानी १२०, खुर्सानी हरियो (बुलेट) १२०, खुर्सानी हरियो (अकबरे) ३५०, खुर्सानी हरियो (माछे) ६०, भेडे खुर्सानी ७०, हरियो लसुन ६०, हरियो धनियाँ ९०, चाइनिज सुकेको लसुन २००, नेपाली सुकेको लसुन १९०, छ्यापी सुकेको १५० रुपैयाँ, फुजी स्याउ ३००, केरा (दर्जन) १३०, कागती २००, अनार ३५०, आँप (मालदह) ६०, आँप (दसहरी) ६०, मौसम १६०, जुनार २२०, भुई कटहर प्रति गोटा १६०, लोकल काक्रो ९०, हाइब्रिड काक्रो ४०, रुख कटहर ४०, नासपाती (चाइनिज) २२०, भारतीय मेवा ९०, किवि ५५० र आभोकाडो ६०० रुपैयाँ रहेको समितिले सार्वजनिक गरेको मूल्यसुचीमा उल्लेख छ ।
