-
कालोपाटी सम्बाददाता
काठमाडौँ । मंगलबारका लागि कालीमाटी फलफूल तथा तरकारी बजार विकास समितिले तरकारी तथा फलफूलको मूल्य सार्वजनिक गरेको छ । समितिले सार्वजनिक गरेको मूल्यसूची अनुसार आज अमलाको मूल्य बढ्दा तने बोडीको मूल्य घटेको छ भने अन्य तरकारी तथा फलफूलको न्यूनतम मूल्यमा सामान्य घटबढ भएको पाइएको छ ।
समितिका अनुसार मंगलबार रुख टमाटर १ सय ५० रुपैयाँ, गोलभेडा ठूलो(भारतीय) ७०, गोलभेडा सानो(लोकल) ३०, सानो गोलभेडा (टनेल) ६०, आलु रातो ४२ रुपैयाँ प्रतिकेजी रहेको छ । त्यस्तै, तितो करेला ९०, लौका ५०, परवर(तराई) ७०, घिरौला ६०, फर्सी पाकेको ४५, हरियो फर्सी (लाम्चो) ३०, हरियो फर्सी (डल्लो) ३०, सलगम ७०, भिण्डी १ सय १०, सखरखण्ड ६०, बरेला ५०, स्कुस ४० रहेको छ । आज रायो साग ४० रुपैयाँ, पालुंगो ९० रुपैयाँ, चम्सुरको साग ४० रुपैयाँ, तोरीको साग ३० रुपैयाँ, मेथीको साग ९० रुपैयाँ र सौफको साग ९०, जिरीको साग ९० रुपैयाँमा किनबेच भइरहेको छ ।
कालीमाटी फलफूल तथा तरकारी बजार विकास समितिका अनुसार आज बकूला ५०, तरुल ७०, कन्य च्याउ ६०, डल्ले च्याउ २ सय २०, अदुवा २ सय, हरियो खुर्सानी १ सय ६०, सुकेको खुर्सानी ४ सय ३०, खुर्सानी हरियो (बुलेट) १ सय ६०, खुर्सानी हरियो (माछे) ९०, भेडे खुर्सानी १ सय ७०, हरियो लसुन १ सय २०, हरियो धनिया ५० रुपैयाँमा किनबेच भइरहेको छ । समितिका अनुसार मंगलबार हरियो स्याउ(झोले) २ सय २० रुपैयाँ, स्याउ(फूजी) ३ सय, केरा १ सय ३० दर्जन, अनार २ सय ८०, हरियो अंगुर १ सय ३०, कालो अंगुर २ सय २०, भारतीय सुन्तला १ सय, हरियो तर्बुजा ४५, मौसम १ सय ३०, जुनार २ सय ५०, भुई कटहर १ सय ५०, रुख कटहर ८०, काक्रो(लोकल) ८०, काक्रो(हाइब्रीड) ५०, नासपाती (चाइनिज) २ सय, मेवा(नेपाली) ७०, मेवा(भारतीय) ८० रुपैयाँमा खरिदबिक्रि भइरहेको छ ।
यस्तै, आज किनु ९०, स्ट्रबेरी भुईऐसेलु २ सय ५०, किवि ४ सय, आभोकाडो ५ सय, अमला ९०, हरियो छ्यापी ९०, ताजा माछा (रहु) ३ सय ४०, ताजा माछा (बचुवा) २ सय ६०, ताजा माछा (छडी) २ सय ५०, ताजा माछा(मुंगरी) ३ सय ५० रुपैयाँमा कारोबार भइरहेको छ ।
