-
कालोपाटी सम्बाददाता
काठमाडौँ । मंगलबार नेप्से परिसूचक घटेको छ । आज नेप्से परिसूचक १११.९६ अंकले घटेर २७८२.६० बिन्दुमा पुगेको हो ।
नेप्सेमा कुल ३ सय ३० कम्पनी ४ करोड ३८ लाख ६८ हजार ९ सय ७० कित्ता सेयर खरिद बिक्री हुँदा १८ अर्ब ६४ करोडमाथिको सेयर कारोबार भएको छ ।
आज सबैभन्दा धेरै कारोबार हिमालयन रिइन्स्योरेन्स लिमिटेडको भएको छ । उक्त कम्पनीको ६५ करोड ४२ लाख ९ हजार ५ सय ८२ रुपैयाँ ३० पैसा बराबरको सेयर कारोबार भएको छ ।
मंगलबारको बजारमा तारागाउँ रेजेन्सी होटलका लगानीकर्ताले सबैभन्दा बढी नाफा कमाएका छन् । उक्त कम्पनीको सेयर मूल्यमा पोजेटिभ सर्किट लागेको छ ।
त्यसैगरी आज सबैभन्दा धेरै नेपाल फाइनान्स लिमिटेडका लगानीकर्ताले सबैभन्दा धेरै गुमाएका छन् । उक्त कम्पनीको सेयर मुल्यमा नेगेटिभ सर्किट लागेको छ ।
