-
कालोपाटी सम्बाददाता
काठमाडौँ । नेपाल सहकारी पत्रकार समाज (सीजेएन) को अध्यक्षमा काजी श्रेष्ठ पुनस् निर्वाचित भएका छन् । सीजेएनको १३औँ बार्षिक साधारणसभाबाट पुन:श्रेष्ठको अध्यक्षतामा ७ सदस्यीय कार्यसमिति निर्विरोध चयन गरेको हो ।
नवनिर्वाचित संस्थाको उपाध्यक्षमा अर्जुन खतिवडा, सचिवमा सन्तोष रोकाया, सह-सचिवमा सुधा देवकोटा र कोषाध्यक्षमा माधव कुमार खड्का चयन भएका छन् । त्यस्तै, सदस्यहरुमा नमिता दुलाल र बलराम बुढाथोकी रहेका छन् ।
नवनिर्वाचित कार्यसमितिलाई मुख्य निर्वाचन अधिकृत बिष्णु गिरीले प्रमाणपत्र वितरण गरेका थिए । नवर्निवाचित अध्यक्ष श्रेष्ठले सबै सदस्यलाई साथमा लिएर अगाडि बढ्ने प्रतिबद्धता व्यक्त गरेका छन् ।
