-
कालोपाटी सम्बाददाता
काठमाडौँ । शुक्रबारका लागि कालीमाटी फलफूल तथा तरकारी बजार विकास समितिले तरकारी तथा फलफूलको मूल्य सार्वजनिक गरेको छ । समितिले सार्वजनिक गरेको मूल्यसूची अनुसार आज हरियो स्याउ र करेलाको मूल्य बढेको छ भने अन्य तरकारी तथा फलफुलको न्यूनतम मूल्यमा सामान्य घटबढ भएको पाइएको छ ।
समितिका अनुसार शुक्रबार रुख टमाटर १ सय ५० रुपैयाँ, नेपाली ठुलो गोलभेडा न्युनतम ५०, भारतीय ठुलो गोलभेडा ६०, सानो गोलभेडा (टनेल) ४५, आलु रातो ३५, आलु सेतो २८ रुपैयाँ प्रतिकेजी रहेको छ । त्यस्तै, तितो करेला १ सय ६०, लौका ७०, परवर(तराई) २ सय ३०, घिरौला ९०, फर्सी पाकेको ४०, हरियो फर्सी (लाम्चो) ३०, हरियो फर्सी (डल्लो) ३०, सलगम ७०, भिण्डी १ सय ३०, सखरखण्ड ७०, बरेला ५०, स्कुस ४५ रहेको छ । आज रायो साग ४० रुपैयाँ, पालुंगो ६० रुपैयाँ, चम्सुरको साग ६० रुपैयाँ, तोरीको साग ३० रुपैयाँ, मेथीको साग ६० रुपैयाँ र सौफको साग ६०, जिरीको साग ६० रुपैयाँमा किनबेच भइरहेको छ ।
यस्तै, शुक्रबार हरियो स्याउ(झोले) २ सय २० रुपैयाँ, स्याउ(फूजी) ३ सय, अंगुर १ सय २०, कालो अंगुर २ सय, भारतीय सुन्तला १ सय, हरियो तर्बुजा ४५, मौसम १ सय ४०, जुनार २ सय २०, भुई कटहर प्रति गोटा १ सय ५०, रुख कटहर ९०, लोकल काक्रो १ सय १०, हाइब्रिड काक्रो ६० रुपैयाँमा कारोबार भइरहेको छ । यसैगरी निबुवा ५०, चाइनीज नासपाती २ सय २०, नेपाली मेवा ७०, भारतीय मेवा ८०, अम्बा २ सय ५०, लप्सी १ सय ४०, अमला ८०, किनु ९०, किवी ४ सय ५०, अभोकाडो ५ सय र स्ट्रबेरी भुईऐसेलु २ सय ५० रुपैयाँमा खरिदबिक्रि भइरहेको छ ।
समितिका अनुसार आज हरियो छ्यापी १ सय २०, ताजा माछा (रहु) ३ सय ४०, ताजा माछा (बचुवा) २ सय ६०, ताजा माछा (छडी) २ सय ६० रुपैयाँमा कारोबार भइरहेको छ ।
