-
कालोपाटी सम्बाददाता
बुटवल । भारतीय सुरक्षाकर्मी स्पेशल प्रोटेक्सन गार्ड लिएर भारतीय वायु सेनाको विमान गौतमबुद्ध अन्तर्राष्ट्रिय विमानस्थल भैरहवामा अवतरण गरेको छ । बुद्धजयन्तीका दिन भारतीय प्रधानमन्त्री मोदी लुम्बिनी भ्रमणमा आउने कार्यक्रम तय भएसँगै सुरक्षा व्यवस्था मिलाउन भारतीय सुरक्षाकर्मी एसपिजी स्पेसल प्रोटेक्सन गार्ड लिएर बुधबार बिहान विमान भैरहवामा अवतरण गरेको हो ।
गौतमबुद्ध अन्तर्राष्ट्रिय विमानस्थलका प्रवक्ता श्याम किशोर शाहका अनुसार भारतीय वायुसेनाको इलुसियन विमान आईसी–७६ दिल्लीबाट काठमाडौं हुँदै गौतमबुद्ध अन्तर्राष्ट्रिय विमानस्थलमा आएको हो । नयाँ विमानस्थल भएका कारण जहाज सिधै भैरहवा अवतरण नगरी काठमाडौं आएर गरेको हुन सक्ने बताइएको छ ।
