-
कालोपाटी सम्बाददाता
काठमाडौँ । बिहीबारका लागि कालीमाटी फलफूल तथा तरकारी बजार विकास समितिले तरकारी तथा फलफूलको मूल्य सार्वजनिक गरेको छ । समितिले सार्वजनिक गरेको मूल्यसूची अनुसार आज कोइरालोको मुल्य २ सय ८० रुपैयाँले बढेको छ भने अन्य तरकारी तथा फलफुलको न्यूनतम मूल्यमा सामान्य घटबढ भएको पाइएको छ ।
समितिका अनुसार बुधबार रुख टमाटर १ सय ४० रुपैयाँ, नेपाली ठुलो गोलभेडा न्युनतम ६०, भारतीय ठुलो गोलभेडा ७०, सानो गोलभेडा (टनेल) ३०, आलु रातो ३५, आलु रातो(भारतीय) ३७ रुपैयाँ प्रतिकेजी रहेको छ । त्यस्तै, तितो करेला १ सय २०, लौका ७०, परवर(तराई) १ सय ९०, घिरौला १ सय, फर्सी पाकेको ४०, हरियो फर्सी (लाम्चो) ४०, हरियो फर्सी (डल्लो) ४०, सलगम ६०, भिण्डी १ सय, सखरखण्ड ६०, बरेला ४०, पिंडालु ८०, स्कुस ४० रहेको छ । आज रायो साग ३० रुपैयाँ, पालुंगो ६० रुपैयाँ, चम्सुरको साग ६० रुपैयाँ, तोरीको साग ३० रुपैयाँ, मेथीको साग ६० रुपैयाँ र सौफको साग ६०, जिरीको साग ६० रुपैयाँमा किनबेच भइरहेको छ ।
यस्तै, बिहीबार हरियो स्याउ(झोले) २ सय रुपैयाँ, स्याउ(फूजी) ३ सय, अंगुर १ सय २०, कालो अंगुर २ सय, भारतीय सुन्तला ९०, हरियो तर्बुजा ४५, मौसम १ सय ३०, जुनार २ सय २०, भुई कटहर प्रति गोटा १ सय ५०, रुख कटहर ९०, लोकल काक्रो १ सय, हाइब्रिड काक्रो ५० रुपैयाँमा कारोबार भइरहेको छ । यसैगरी निबुवा ५०, चाइनीज नासपाती २ सय २०, नेपाली मेवा ७०, भारतीय मेवा ७०, अम्बा २ सय ५०, लप्सी १ सय ५०, अमला ८०, किनु ९०, किवी ४ सय ५०, अभोकाडो ५ सय र स्ट्रबेरी भुईऐसेलु २ सय ५० रुपैयाँमा खरिदबिक्रि भइरहेको छ ।
समितिका अनुसार आज छ्यापी हरियो ९०, ताजा माछा (रहु) ३ सय ४०, ताजा माछा (बचुवा) २ सय ६०, ताजा माछा (छडी) २ सय ६०, ताजा माछा(मुंगरी) ३ सय ५० रुपैयाँमा कारोबार भइरहेको छ ।
